KM3NeT - ასტრონაწილაკების და ნეიტრინოების ფიზიკის საერთაშორისო პროექტი

ავტორი: რევაზი შანიძე
საკვანძო სიტყვები: ასტრონაწილაკი, ნეიტრინო, ოსცილაციები, მასური ჰიერარქია, ჩერენკოვის დეტექტორი
ანოტაცია:

KM3NeT - ასტრონაწილაკების და ნეიტრინოების ფიზიკის საერთაშორისო სამეცნიერო პროექტია, რომელშიც 15 ქვეყნის კვლევითი ცენტრები და უნივერსიტეტები მონაწილეობენ. თანამშრომლობის მიზანია ხმელთაშუა ზღვაში განალაგოს ნეიტრინული დეტექტორები, რომელთა საშუალებით ჩატარდება კვლევები ასტრონაწილაკების და ნეიტრინოების ფიზიკაში. KM3NeT დეტექტორებში ნეიტრინოების და მიუონების რეგისტრაცია ხდება მათ მიერ ინდუცირებული ჩერენკოვის გამოსხივების საშულებით. თბილისის სახელმწიფო უნივერსიტეტის ჯგუფი მონაწილეობს ნეიტრინული ფიზიკის მიმართულებით მიმდინარე კვლევაში, რომლის ძირითადი მიზანია ნეიტრინული ოსცილაციების შესწავლა და ნეიტრინოების მასური იერარქიის დადგენა.